Движењето БЕСА одржа нов изборен собир во Тетово. Претседателот на оваа партија воедно кандидат за градоначалник на оваа општина, Биљал Касами упати остри критики до Теута Арифи поради натрупани долгови и застој во развојот на општината. Касами додаде дека Тетово има потреба од вода за пиење, урбан развој и пред се од хигиена.
„Се уште немам точен одговор од градоначелничката на општината која се фали за транспарентност, а во меѓувреме не се знае точно колку е долгот на општината. Една општина која треба да се соочи со централната власт која моментално за жал и поради слабоста на нашите политичари, ја раководат Македонците, без застапеност на Албанците, денес општина Тетово е исто толку проблематична и со исто толку долгови колку и руралните општини кои што немаат доволно ресурси за економски развој“, рече Биљал Касами, кандидат на Беса за Тетово.