Патувањето на Елон Маск да стане најбогатиот човек на светот беше поттикнато од дивата комбинација на неговите навики и карактеристики – склоност кон „токсични“ девојки како Амбер Херд, постојани расправии со сите, од својот брат до вработени, апетит за неверојатни ризици и љубовта кон играњето игри, се вели во новата биографија „Елон Маск“ на писателот Волтер Ајзаксон, која пристигна на полиците на американските книжарници во вторникот и има неверојатни 688 страници!
Биографијата вклучува бројни аспекти од животот на овој милијардер, моментално најбогатиот човек на светот, а влијанието на таткото на Маск, Ерол, врз неговиот живот се провлекува низ целата книга. Да потсетиме дека основачот на Tesla еднаш го нарече својот татко „злобен и безмилосен“.
Неговиот брат Кимбал Маск тврди дека многу од неговите поранешни партнерки имаат нешто заедничко со нивниот татко, а тоа е дека се однесуваат лошо со него!
„Навистина е тажно што Елон се заљубува во жени кои се лоши кон него. Тие се без сомнение убави, но имаат многу темна страна и Елон знае дека се отровни”, изјави Кимбал, помладиот брат на славниот милијардер.
„Амбер Херд беше кошмар, вистински негативец, некој што му ја предизвика најголемата болка во животот“, истакна тој.
Во книгата, посебен дел е посветен на врската на Маск со Амбер Херд. Да потсетиме дека парот беше заедно една година во периодот од 2016 до 2017 година, а нивната романса следеше набргу по нејзиниот развод со Џони Деп.
Актерката беше стратешки омразена од сите пријатели и членови на семејството на Маск, според биографијата, бидејќи внесе премногу драма во неговиот живот. „Таа беше како Џокерот во Бетмен кој успеа да ги дестабилизира сите. Таа немаше цел освен хаос. Тие ќе останеа будни цела ноќ и ќе се караа, а потоа тој немаше да може да стане до пладне“, велат од персоналот на Маск.
„Амбер Херд беше толку токсична. Беше кошмар. Таа е навистина, навистина добра добра актерка, па ќе ве натера да мислите дека ја кажува вистината, но не е. Начинот на кој може да ја прикаже реалноста ме потсетува на татко ми“, истакнува Кимбал Маск во книгата.
Грајмс, поранешната партнерка на Маск и мајка на три негови деца, даде свое мислење за оваа врска: „Амбер беше хаотично зло, а него го привлекува хаотичното зло. Се работи за неговиот татко и со што пораснал Елон, а тоа го враќа назад. Тој ја поврзува љубовта со злото или навредливоста. Има јасна врска Ерол-Амбер“.
Нивната врска е опишана како „темен вител“ и најболната врска во која бил богаташот, како и врската која го оставила со скршено срце кога завршила.
„Беше брутално“, призна Елон Маск за врската со Амбер, додавајќи дека раскинувањето со неа го довело до најконцентрираниот период на болка што некогаш го доживеал. „18 месеци немилосрдно лудило. Беше неверојатно болно“, коментира тој.
„Повеќето од неговите врски вклучуваат психолошки превирања. Најстрашна од сите беше Амбер Херд, која го вовлече во мрачен вител кој траеше повеќе од една година и предизвика длабока болка која продолжува до ден-денес”, напишал авторот.
А Амбер разговараше со Исаксон, велејќи дека сè уште го сака и го разбира Маск иако раскинаа заедно.
„Елон сака оган, а понекогаш тој го пали“, кажала таа, алудирајќи на нивната драматична врска.