Тренерот на Спортинг беше на преговори во Лондон, сега се извинува.
Спортинг е блиску до освојување на титулата во Португалија и директен пласман во новиот формат на Лигата на шампионите со 36 екипи. Голема заслуга за тој успех има и Рубен Аморим, шефот на стручниот штаб кој е во овој клуб од 2020 година.
Првата сезона беше преодна за Аморим, веќе во сезоната 2020/21 ја освои титулата која Спортинг ја чекаше цели 19 години. Како што сега стојат работите, Спортинг и оваа сезона ќе биде шампион, а тоа веќе го поттикна интересот на многу побогатите клубови за еден од најперспективните португалски тренери.
Се споменуваше и Ливерпул, на чија клупа по Јирген Клоп ќе седне и Холанѓанецот Арне Слот. Но, има и шанси Аморим да оди во Премиер лигата, но на клупата на Вест Хем.
Португалецот беше дури и на преговорите во Лондон и тоа не е тајна. Сепак, тој не ги известил челниците на клубот, па по враќањето од островот се покајал.
„Тоа беше грешка. Тајмингот беше целосно погрешен. Отсекогаш сум барал почит од моите играчи, а не бев таков, не го информирав клубот претходно. Жал ми е, им се извинувам на навивачите, клубот и играчите“, изјави Аморим.