Бесими: Ние сме прва земја во регионот што уште во март излезе со пакет мерки

Министерот за финансии Фатмир Бесими вечерва информира дека не се задоцнети сите работи што ги презеде Владата за справување со кризата.

-Ако ги прочитате сите извештаи на Светска банка, ние сме прва земја во регионот што уште во март излезе со првиот пакет мерки за оваа година и со најголем износ на Буџет во споредба со другите земји по глава на жител, вели министерот за финансии, Фатмир Бесими.

Околу извештајот на Светска банка дека не е исклучена рецесија во Македонија, Бесими вели дека проекциите покажуваат дека ќе имаме раст на БДП од 2,9%.

-На тоа ќе се движи растот, сметам дека ќе го постигнеме, наведе Бесими во гостувањето на емисијата „Топ тема“.