Бесими: Потребен е развоен буџет во услови на кризa

Буџетот претставува клучен документ кој ги инкорпорира планираните активности на фискалната политика во прилог на економскиот развој и подобрување на благосостојбата на сите граѓани. Буџетот за 2022 година покрај конкретноста изразена во бројки е и приказ на нашите залагања за дефинираните цели и принципи по кои ќе се водиме, информира денеска министерот за финансии, Фатмир Бесими.

Според него, за перспективите и предизвиците пред кои е исправен овој развоен Буџет, иновативните инструменти за финансирање, поддршката на стопанството, ранливите категории, локалниот развој и подобриот квалитет на живот е потребен РАЗВОЕН БУЏЕТ ВО УСЛОВИ НА КРИЗА, потенцира Бесими во колумна, објавена на сајтот на министерството.