Бесими: Владата од 2011 година има донесено уредба за цената за земјиштето спроти „Нова Македонија“

Министерот за финансии Фатмир Бесими за земјиштето спроти „Нова Македонија“ вели дека станува збор за приватизација на земјиштето според Законот за приватизација, а не станува збор за продажба за 7 евра по метар квадратен.

-Градежната парцела постои од 2014 година, а владата од 2011 година има донесено уредба за цената на ова земјиште, појаснува тој.

Тој додава дека такви случаи има и други, но овој ќе биде последен затоа што таа уредба ќе биде сменета.

-Апелирам, од аспект на етиката, оние кои искористиле ваква можност по ниска цена да земат атрактивно земјиште да вложат средства во инвестиции од јавен интерес, вели Бесими.