Бесплатните ученички билети не важат за време на летниот распуст, велат од ЈСП Скопје

ЈСП Скопје ги информира корисниците на ученички билети за бесплатен превоз дека тие не важат за време на летниот распуст.

„Основците/средношколците (не важи за матурантите) можат да купат месечен билет по повластена цена, односно 600 денари чини месечен билет за јули или август. Билетот важи за сите линии (градски и приградски)“, велат од градското претпријатие.

Последниот училишен ден основците и средношколците го имаа на 10 јуни и до почетокот на септември тие ќе бидат на летен распуст.