Поранешниот министер за транспорт и врски и обвинет Миле Јанакиески пристигна на судското рочиште за предметот „ТНТ“, но за првпат без полициска придружба. Ова следува откако вчера беше укинат притворот на Јанакиески кој трае веќе цели 3 години.
Апелациониот суд Скопје, вчера до Основниот кривичен суд Скопје, го достави решението со кое на обвинетиот во повеќе судски предмети , му ја укинува мерката куќен притвор и му ја заменува со мерка претпазливост.
Сепак обвинителката Вилма Рускоска и Обвинителството за организиран криминал и корупција најави дека ќе побара нов притвор за Јанакиески за случајот ,„27 Април“.
Миле Јанакиески е првостепено осуден во предметите „27 април“ (на 6 години и 3 месеци затвор) и „Насилство во Центар“ (условна казна).