„Би било подобро ако Трамп е мртов“, уапсени две лица кои му се заканувале на Доналд Трамп

ФБИ уапси две лица во Мичиген поради смртни закани кон кандидатот за претседател, Доналд Трамп.

Според извештајот на „Детроит Нјуз“, агентите на ФБИ уапсиле две лица во Мичиген поради закани поврзани со изборите. Еден од осомничените, Исак Сисел, наводно го користел корисничкото име „ShootUpTrumpRally“ на „Редит“ и им рекол на истражителите дека „би било подобро ако Трамп е мртов“.

Друг осомничен, Кристофер Клеј Пирс (46) од Џексон, е обвинет дека со години упатувал закани до политички акционен комитет поврзан со демократите, и покрај претходните предупредувања од ФБИ дека може да се соочи со кривична пријава ако продолжи со однесувањето. Инаку, претходно имаше два обиди за атентат на Трамп.