Поранешниот американски претседател Бил Клинтон напиша книга заедно со авторот на бестселери Џејмс Патерсон. 
Романот е посветен на претседателот на САД и се нарекува “The President is Missing” (Претседателот исчезна). Книгата ќе излезе во јуни 2018г. Таа ќе биде објавена заеднички од две издавачки куќи – Alfred A. Knopf – Филијалата Panguin Random House и Little, Brown and Co, Филијалата на “Hachette”, соопштија издавачите во заедничко коминике.
“Да работам на книга за вршител на должноста претседател, служејќи се со она што го знам за оваа позиција, за животот во Белата куќа и за функционирањето на администрацијата во Вашингтон беше навистина забавно”, рече Бил Клинтон во соопштението.
“А да работам заедно со Џејмс беше одлично. Јас сум му фан со години “, изјави поранешниот шеф на државата на САД.
Книгата “The President is Missing” беше претставена во онлајн продавницата “Амазон” како трилер од 400 страници со продажна цена од 30 долари. Џејмс Патерсон исто така, изрази задоволство од соработката со Бил Клинтон. “Да соработувам со претседателот Клинтон беше врв на мојата кариера”, изјави тој во соопштението.
Ова не е писателиско деби за поранешниот сопственик на Белата куќа. Во 2004г. излезе неговата книга “Мојот живот” – биографија, за која тој доби аванс од 15 милиони долари. Американскиот писател Џејмс Патерсон е многу успешен автор, кој е славен за своите криминални романи. Тој напишал повеќе од 100 дела, а меѓу трилерот и полициските приказни има и неколку книги за деца.