Поранешниот американски претседател Бил Клинтон во интервју за ирскиот „RTÉ news“ изјави дека жали што во 1994 година ги убедил украинските власти дека треба да се откажат од нуклеарното оружје.
„Ако Киев имаше нуклеарно оружје, Русија немаше да ја нападне Украина“, рече Клинтон.
„Чувствувам лична одговорност бидејќи ја натерав Украина да се откаже од своето нуклеарно оружје. Никој од нив не верува дека Русија би направила ваков избор доколку Украина сè уште го има тоа оружје“, смета тој.
По распадот на Советскиот Сојуз во 1991 година, Украина стана трета по големина нуклеарна сила во светот. Но, во 1994 година, по разговорите меѓу Соединетите Американски Држави, Русија и Украина, Клинтон објави дека Украина се согласила да го отстрани нуклеарното оружје од нејзината територија.
Bill Clinton says he regrets his role in persuading Ukraine to give up its nuclear weapons in 1994.
— Visegrád 24 (@visegrad24) April 4, 2023
„Украина се плашеше да се откаже од нуклеарното оружје бидејќи мислеа дека тоа е единственото нешто што ги штити од експанзионистичка Русија“, додаде тој.
Во февруари 2014 година, Русија го нападна и целеше на украинскиот полуостров Крим, прекршувајќи го, меѓу другото, Меморандумот од Будимпешта.
„Кога му одговараше, претседателот Путин го прекрши меморандумот и го зазеде Крим. Се чувствувам ужасно поради тоа, бидејќи Украина е многу важна земја“, вели Клинтон.
Тој нагласи дека поддршката на Западот за Украина мора да остане цврста.
„Она што го направи Путин беше многу погрешно и мислам дека Европа и САД треба да продолжат да ја поддржуваат Украина“, заклучи поранешниот американски претседател.