Били Ајлиш отворено за нејзината дијагноза: „Сите мислат дека се обидувам да бидам смешна“

од Stefanija Kuzmanovska

Во новиот серијал на Нетфликс My Next Guest Needs No Introduction, чиј водител е Дејвид Летерман, Били Ајлиш реши подетално да зборува за животот со Туретов синдром.

Туретов синдром е ретко нарушување на нервниот систем, а се карактеризира со необични движења – тикови или несакани звуци кои не можат да се контролираат.

„Ако ме снимате доволно долго, ќе забележите дека имам многу тикови. Ова е навистина чудна болест, не сум зборувал за тоа досега. Луѓето мислат дека се однесувам вака затоа што се обидувам да бидам смешна, тоа многу ме навредува“, рекла Ајлиш.

Таа додаде дека ретко кој веднаш забележува дека боледува од Туретов синдром и дека има уште неколку познати личности кои го имаат овој проблем, но дека нема да ги открие нивните имиња.

Летерман во еден момент бил загрижен дека неговото прашање ја вознемирило и предизвикало уште повеќе тикови, но пејачката му рекла дека сака да го продолжи разговорот.

„Интересно ми е да одговорам на овие прашања. Здравствената состојба ме збунува. Едноставно не разбирам“, рече таа.

Ја добила дијагнозата кога имала 11 години.

„Тиковите ме исцрпуваат, но успеав да се спријателам со нив“, заклучила таа.

Слични содржини