240
Русија ја снабдува Венецуела со бензин и други нафтени производи , пренесува Блумберг. Ова е помош на земјата за да се избегне влошување на кризата со горивата.
Според истрагата на агенцијата, во јуни и јули Москва испорачала најмалку 600.000 барели бензин и суровини од своето производство.
Според податоците за следење на бродовите, горивата ги транспортираат танкери од црноморското пристаниште Таман кон Малта, каде се префрлаат на други танкери што пловат кон Венецуела. Транспортот трае околу еден месец.
На овој начин, Венецуела успеа да ги заобиколи санкциите што ги воведоа САД за узурпирање на моќта од Николас Мадуро.
Санкциите забрануваат увоз на гориво од Соединетите држави.
Во четвртокот, американскиот претседател Доналд Трамп изјави дека размислува да воведе карантин, па дури и блокада на Венецуела, но тој не посочи какво ќе биде времето и обемот на таквата мерка.