BMW за прв пат продаде повеќе електрични автомобили од Tesla во Европа. Бројките за јули ги објавува аналитичката компанија JATO Dynamics, а според нив, BMW минатиот месец продал 14.869 нови електрични возила во Европа. Tesla продаде 14.561 нови електрични автомобили во јули.
Тоа значи дека BMW продал 308 електрични возила повеќе од Tesla.
И иако тоа е прилично мала разлика, таа покажува колку моќен германскиот производител станал во електричниот свет, иако продолжува да нуди хибридни, plug-in хибридни и SUS опции.
JATO Dynamics објави дека Tesla доживеа пад минатиот месец во Европа, при што регистрациите и на Model Y и на Model 3 паднаа за 16% на 9.544 единици. Во меѓувреме, продажбата на Model 3 падна за 17% на 4.694. Овие падови и овозможија на BMW Group тесно да се искачи на првото место за продажба на електрични возила во Европа во јули, според Motor1.
Сепак, во јули вкупниот број на продажби на ЕВ во Европа падна за 6% во споредба со претходната година. JATO Dynamics вели дека овој пад најверојатно се должи на недостаток на владини стимулации и загриженост за препродажната вредност.
Сепак, додека BMW Group ја презеде вкупната круна, најпродаваниот EV во Европа минатиот месец сè уште беше Model Y на Tesla со голема разлика, со 9.544 продажби. Во јули, второто најпродавано EV во Европа беше Volvo EX30 со 6.573 продадени примероци, следен од Volkswagen ID.4 со 5.295 примероци. Два BMW се најдоа на топ 10 листата, и тоа BMW iX1 со 4.305 и i4 со 4.198 возила.
Jato Dynamics истакнува дека вкупниот европски пазар пораснал за 2% во однос на јули 2023 година на 1,03 милиони автомобили. Педесет и четири проценти од продажбата беа теренци.
Иако Tesla Model Y беше најпродаваниот EV во Европа во јули, тој беше далеку зад најпродаваниот модел во целина, Dacia Sandero, со 22.398 продажби. По Sander следи Volkswagen T-Roc со 19.254 примероци и Toyota Yaris Cross со 17.314 примероци.