Според експертите, луѓето со висок крвен притисок треба да јадат најмногу овошје кое е богато со калиум.
Луѓето со висок крвен притисок се потенцијално изложени на ризик од дополнителни здравствени проблеми како што се проблеми со бубрезите, срцето и мозочен удар. Постојат природни начини за намалување на крвниот притисок, а тоа секако вклучува здрава исхрана и вежбање.
Според диететичарите, едно овошје кое има најмногу минерали и витамини е најдобро за намалување на крвниот притисок. Во прашање се бананите кои се богати со калиум, а калиумот го намалува влијанието на вишокот сол во телото.
Ако изедете мала банана, можете да добиете околу 422 милиграми калиум, што е околу 9 проценти од препорачаниот внес. Оваа навика ќе ви помогне да го намалите ризикот од мозочен удар и срцеви заболувања. Покрај тоа, бананите се одлични за баланс на течности и електролити во телото.
Доколку тренирате, пожелно е да јадете банана после тренинг, бидејќи таа ги опушта уморните мускули и ги ублажува потенцијалните грчеви.
„Постојат многу начини да ги вклучите во вашата исхрана. Бананите може да се стават во смути, да се додадат во житарки или јогурт или едноставно да се јадат како што се“, вели диететичарот Британи Дан.
Бананите се добар извор на неколку витамини и минерали, особено калиум, витамин Б6 и витамин Ц.
Калиум – Бананите се добар извор на калиум. Исхраната богата со калиум може да го намали крвниот притисок кај луѓето со покачени нивоа и да има корист за здравјето на срцето.
Витамин Б6 – бананите содржат многу витамин Б6. Една банана со средна големина може да обезбеди до 33 отсто од дневната вредност (DV) на овој витамин.
Витамин Ц – Како и повеќето овошја, бананите се добар извор на витамин Ц.