Бомба за Чави! Гигант го бара за тренер

Манчестер Јунајтед го контактирал Чави Ернандез во врска со менаџерската позиција на „Олд Трафорд“, објави The Sun.

Според британскиот таблоид, „црвените ѓаволи“ се заинтересирани за сега веќе поранешниот тренер на Барселона како замена за сегашниот тренер Ерик тен Хаг.

Тен Хаг го освои ФА Купот по успехот од 2-1 над градскиот ривал Сити, но се чини дека тоа не беше доволно за управата на клубот од Манчестер да го задржи на чело на тимот следната сезона.

Сè уште не е јасно каква е иднината за Холанѓанецот, откако Јунајтед одигра една од нивните најлоши кампањи и покрај триумфот на „Вембли“ пред една недела.