Високиот претставник на Европската унија за надворешна политика, Жосеп Борел, денеска изјави дека во сложениот однос што ЕУ го има со Кина, неизбежно има различни интереси меѓу земјите-членки и додаде дека доколку блокот сака кохерентна стратегија за Унијата кон Кина, неопходно е секој од актерите на Унијата да постапува во согласност и целосно во согласност со договорот.
Во својот говор пред европратениците во Стразбур, тој додаде дека тоа важи и за Европскиот совет, Европската комисија, како и за Европскиот парламент и посочи дека ЕК игра фундаментална улога и во областите кои имаат огромно влијание за надворешните односи на ЕУ, и кога се повеќе се зборува за економската безбедност, како составен дел на националната безбедност, тие овластувања и тие улоги се поголеми.
Борел потсети дека ЕУ не ја дефинираше експлицитно Кина како директна закана за нејзината безбедност, како што тоа го направи во однос на Русија на Европскиот совет во Версај во 2022 година.