Борел повикува на смирување на тензиите, ЕУ загрижена поради нападите во Израел

Шефот на европската дипломатија, Жозеп Борел, го повика Израел да не користи смртоносна сила, освен во „крајно неопходна ситуација“, како одговор на палестинските напади денеска и вчера, во кои загинаа седум лица, а 12 беа ранети.

Денеска две лица се ранети во пукање во нов напад во источен Ерусалим, соопшти израелската полиција и го опиша како „терористички напад“ извршен ден по смртоносниот напад на синагога во истиот град во кој загинаа седум лица, а 10 беа ранети, јавуваат агенциите.

Пукањето се случило помалку од 24 часа по нападот на синагогата, кој се случи на Меѓународниот ден на сеќавање на Холокаустот.