Борел: Санкциите не се грешка, ќе продолжиме да ги зајакнуваме

Шефот на дипломатијата на ЕУ, Жосеп Борел, денеска најави дека ЕУ ќе продолжи да ја поддржува Украина, вклучително и зајакнување на воената помош, но и зајакнување на санкциите против Русија.

Борел оцени дека во ЕУ се води „голема дебата за ефективноста на санкциите на ЕУ против Русија“, како и дека „некои лидери велат дека санкциите биле грешка и дека тие повеќе ја погодиле ЕУ отколку Русија“.

„Не мислам дека тоа е грешка. Ова е нешто што моравме да го направиме и ќе продолжиме да го правиме“, рече шефот на дипломатијата на ЕУ.