„Амандманите што ги кажавме во Извештајот за Република Северна Македонија ќе ги предложи Европската народна партија (ЕНП)“, изјавил денеска лидерот на ГЕРБ и поранешен бугарски премиер Бојко Борисов. Вели дека разговарал и со Манфред Вебер и ЕНП и дека извештајот на ЕП не е обврзувачки.
„Амандманите ќе ги предложи целата ЕНП, а „францускиот предлог“, како што го нарекуваме, нема да биде заобиколен“, вели Борисов кој додаде дека ЕПП не е само најголема, туку и најмоќна партија и, како што вели, „ние ќе успееме да го сториме тоа за да ја заштитиме нашата историја и нашата земја“.
Тој им се заблагодари на сите европратеници во Европскиот парламент. „Вложуваме напори и од страна на владата и од страна на Европскиот парламент. Точно, да бев премиер, ова немаше да се случи“, додал Борисов.
„Не можевме да кажеме кој ќе биде известувач, знам само дека пред четири или пет години ова не можеше да се случи. Потоа Македонија потпиша Договор за добрососедство, заедно отидовме кај Папата, јас отидов во Македонија за празниците, нивниот премиер дојде тука, потоа дојде Продолжуваме со промените на власт, почнаа да отвораат летови со Скопје, еднаш летаа и тоа беше крај на целата бугарско-северномакедонска дипломатија“, изјавил Борисов.