Макс Верстапен победи на трката за Големата награда на Бразил во Сао Паоло и се доближи до четврта последователна титула во Формула 1 шампионатот.
Неговиот практично единствен конкурент во борбата за тронот Ландо Норис пропушти голема шанса. Британецот во Мекларен стартуваше од пол-позицијата, но на крајот трката ја заврши само на шестото место. Разликата сега е 62 поени во корист на Холанѓанецот, а остануваат само три трки.
Мартин Брандл, поранешен возач во најбрзиот вагон, го истакна главниот недостаток на Норис во борбата за титулата.
„Нему му недостига инстинктот на „убиец“ во борбата против Макс. Холанѓанецот понекогаш знае да биде брутален во борбите, а тоа сепак му недостига на Ландо“, изјави Брандл.
Сепак, поранешниот ас смета дека Ландо и следната сезона ќе биде во позиција да се бори за титулата.
„Тој имаше неколку импресивни трки оваа година, победи три пати. Тој стекна големо искуство, но предноста на Макс, кој победи на седум од првите десет трки, беше едноставно недостижна“, изјави Брандл.