Братот на Мишел Обама откри: „Мислев дека нивниот брак нема да трае ниту еден месец“

Братот на Мишел Обама, Крег Робинсон, откри како на почетокот се сомневал во нејзината врска со поранешниот американски претседател Барак Обама.

Двојката се запознала во 1988 година во Чикаго, додека работеле заедно во адвокатска фирма. Мишел во тоа време била ментор на младиот Барак.

Четири години подоцна се венчаа, а подоцна добија две ќерки Малија и Наташа. Барак стана првиот афроамерикански претседател на САД во 2009 година, а во Белата куќа помина два мандати до 2017 година. Тој самиот призна дека претседателството оставило свој белег на нивниот брак.