Основачот и извршен директор на Hermitage Capital Management, Бил Браудер тврди дека рускиот претседател Владимир Путин има листа за отстрел на која се наоѓаат 12 лица и дека самиот тој е на врвот на таа листа.
Британски „Мирор“ објави интервју со Браудер, основач на компанија за инвестициски фондови и управување со средства, специјализирана за рускиот пазар, кој беше и најголемиот странски инвеститор во Русија до 2005 година.
„Фактот дека тој го уби најпопуларниот и најистакнат опозициски политичар, очигледно без страв од последици, вели дека луѓето кои му се спротивставуваат на Путин во Русија и во странство се изложени на многу поголем ризик од атентат“, наведува тој.
Додаде дека убиството на Навални покажа дека Путин изгуби секаква воздржаност и дека ќе започне голема меѓународна убиствена треска која ќе ги вклучи сите негови непријатели во Велика Британија.
„Верувам дека најмалку десетина луѓе се во опасност овде и тој ќе се фокусира на оние од висок профил. Политичарите се изложени на ризик“, истакна Браудер.
„Тајм“ објави дека Браудер станал еден од водечките активисти за разоткривање на руската корупција и кршењето на човечките права. Тој минатиот мај објави статија во врска со убиството на неговиот пријател, рускиот опозиционер Владимир Кара-Мурза.
Велика Британија воведе санкции против шест лица кои ја водат казнената колонија на Арктикот каде што минатата недела почина рускиот опозициски лидер, Алексеј Навални. Началникот на казнената колонија и петмина негови заменици се под санкции.