Бразилскиот селектор Тите размислува како да ги нареди многуте офанзивни фудбалери, за да се надева дека може да ја освои титулата во Русија во текот на летото.
„Решението може да е една четворка со Филипе Кутињо и Нејмар како плејмејкер зад Габриел Жезус и Роберто Фирмино“, изјави тренерот.
„Немаше алтернативи на претходните Мундијали, а тоа не чинеше многу. Затоа сакам да го користам Кутињо во средниот ред, а Вилиан како крило“.
Tite: How Brazil may line up at the World Cup ????
?️ 'A front four of Coutinho and Neymar as playmakers, behind the two strikers Jesus and Firmino could be our solution' pic.twitter.com/mBdpdX7sWd
— 101 Great Goals (@101greatgoals) February 27, 2018
Пред неколку дена Тите именуваше имињата на 15 играчи кои сигурно ќе ги одонесе на завршницата, доколку тие се здрави.
Меѓу нив, сепак, не е поранешниот играч на Челзи, Оскар.
„Ќе биде тешко да го вклучам во составот. Искрено, многу сум разочаран од него. Тој го изгуби својот сјај. Имав големи надежи во однос на него и дури два пати му пратив покана, но тој никогаш не ме импресионира ниту на тренинзите, ниту во натпреварите. Покрај тоа, Оскар е во Кина“, објасни селекторот.
Бразил ќе игра со Костарика, Швајцарија и Србија во групата Е на Светското првенство.
15-те сигурни на Тите: Тиаго Силва, Фернандињо, Марсело, Нејмар, Кутињо, Жезус, Вилиан, Фирмино, Алисон, Жоао Миранда, Маркињос, Даниел Алвеш, Паулињо, Ренато Аугусто и Каземиро.