179
Десетици илјади луѓе во Бразил се собраа на митинзи одржани во знак на протест против упадот на Конгресот од приврзаниците на поранешниот претседател Жаир Болсонаро, а во најголемиот град во земјата, Сао Паоло, толпата бараше негово апсење.
Во понеделникот во голем број градови и населени места се одржаа улични собири за поддршка на новиот претседател Луис Инасио Лула да Силва, а бројот на присутни во Сао Паоло беше импресивен, јавува Би-Би-Си.
Многумина дојдоа облечени во црвено, бојата на работничката партија на Лула, други вееја транспаренти на кои пишуваше „Нема амнестија за пучистите“ и повикаа да бидат казнети одговорните.