Бразил регистрираше повеќе од 66 илјади новозаразени

Во последните 24 часа, во Бразил се потврдени 66.017 нови случаи и 1.689 смртни случаи кај пациенти со Ковид-19, објави денеска Министерството за здравство на таа земја.

Вкупно 16.907.425 случаи на коронавирус се регистрирани во Бразил од почетокот на пандемијата, а според официјалните податоци, 472.531 заразени пациенти починале од инфекција со вирусот.

Бразил е рангиран на третото место во светот според бројот на починати од Ковид-19 по САД и Индија.