Брисел изневрен од пријателството меѓу Атина и Москва

Антирускиот синдром се претвора во средство на политиката на ЕУ. Заедно со украинската, него се ‘почесто го користат и во грчката криза. Брисел е подготвен да дејствува за спречување на надвиснато над Грција испаѓање и  банкрот, само при извршувањето на неговата програма за штедење. При тоа, во однос на грчката влада напорно се расфрлуваат предупредувања против соработката со Русија, пишува “Независимаја газета”. Со приближувањето на април темата за грчко-руските односи предизвикува зголемена нервоза во Брисел. На крајот на првата декада на април се очекува во Москва да пристигне премиерот на Грција Алексис Ципрас, лидер на леворадикалната коалиција “Сириза”. “Ципрас развива многу ризична стратегија.Тој треба да размисли добро кое му е поскапо: агресивниот автократски систем во Москва или слободата  управувана од народите Европа “, изјави лидерот на конзервативците во Европскиот парламент Манфред Вебер. “Ако некој сака и за напред да добива помош од ЕУ, тогаш стрелката на неговиот компас мора да биде свртен не кон Москва, туку  кон Брисел “, додава тој.