Европската унија има развиено “итен план” за спасување на Грција од банкрот, ако земјата до крајот на оваа недела не постигне договор за својот долг, пишува германскиот  “Зидојче цајтунг”, цитирајќи извори од Брисел. Според изданието мерките ќе опфатат најмногу контрола врз одлив на Cashflow од земјата, по примерот на Кипар за време на финансиската криза на островот во 2013 година

Ако преговорите меѓу Атина и кредиторите стигнат до ќорсокак, планот предвидува од следната недела грчките банки да останат привремено затворени за неколку дена, за да бидат подобро подготвени за контролата врз финансиските трансакции. Откако ќе бидат повторно отворени, речиси сигурно е дека ќе бидат ограничени сумите кои ќе можат да бидат влечени од банкоматите, како и димензиите на електронските трансакции. Грчки медиуми објавија дека некои банки во земјата веќе го ограничуваат влечењето на големи суми, откако само за еден ден во понеделникот Грците поставија апсолутен рекорд и извлекоа над 600 милиони евра.

Тоа е 2,5 пати повеќе од износите повлечени минатиот петок, објави грчкиот електронски портал “Репортер” и истакна дека едвај можат да се проценат сумите кои се симнати постојано од банкоматите по завршувањето на работното време на банките. Од почетокот на годината од грчките банки се повлечени 26 милијарди евра и се префрлени главно во европски банки. Слична нервоза на штедачите се објаснува со неуспехот на преговорите на грчката влада со меѓународните кредитори, се одржаа на 13 и 14 јуни во Брисел Евентуален банкрот на Грција би ја чинел Белгија околу 6,8 милијарди евра, што го прави 609 евра по Белгиец, објави ББС . Тоа го пресметале експерти од банкарскиот и осигурителна група ING. Тие  го зеле предвид вкупниот кредит од 195 милијарди. Евра, даден на Грција преку механизмите за финансиска помош. Тука влегува првиот кредит од 53 милијарда евра (2010-2012) и вториот од 142 милијарди евра (од 2012 година до денес). Уделот на Белгија за кредитирање на Грција по линија на еврозоната претставува 3,5%, или 6.825 милијарди евра. Во ING сметаат дека е малку веројатен 100% сервисирање обврските на државниот долг на Грција.

Грчкиот министер за финансии Јанис Варуфакис изјави дека нема намера да претстави нови предлози за реформи на средбата на еврогрупата утре во Луксембург, пишува германски  “Билд”. Сепак грчките преговарачи се достапни “во секое време” за постигнување на договор со партнерите, рече министерот. Тој рече дека претставниците на кредиторите од кои зависи доделувањето на спасувачка помош за Грција, треба да се вратат на преговарачка маса со “јасни и цврсти одлуки”