Претседателката на Европската комисија, Урсула фон дер Лајен, објави дека Брисел е подготвен да ги заштити интересите на ЕУ, откако американскиот претседател Доналд Трамп објави дека ќе воведе царина од 30 проценти за европските стоки и производи од 1 август.
„Царината од 30 проценти за извозот од ЕУ би им наштетила на бизнисите, потрошувачите и пациентите од двете страни на Атлантикот“, објави Фон дер Лајен на „Х“.
Таа додаде дека ЕУ ќе продолжи да работи на постигнување договор до 1 август.
„Во исто време, ние сме подготвени да ги заштитиме интересите на ЕУ врз основа на пропорционални контрамерки“, нагласи Фон дер Лајен.
A 30% tariff on EU exports would hurt businesses, consumers and patients on both sides of the Atlantic.
We will continue working towards an agreement by August 1.
At the same time, we are ready to safeguard EU interests on the basis of proportionate countermeasures.
— Ursula von der Leyen (@vonderleyen) July 12, 2025