Британија ја одобри вакцината на „Фајзер“ за деца на возраст од 12 до 15 години

Британската агенција за лекови во четвртокот ја одобри употребата на вакцината против коронавирус на компанијата Pfizer/Biontek за деца на возраст од 12 до 15 години.

„Внимателно ги прегледавме податоците од клиничките испитувања кај деца на возраст од 12 до 15 години и заклучивме дека вакцината на Pfizer/Biontek е безбедна и ефикасна за оваа возрасна група“, рече извршниот директор на британското регулаторно тело МХРА, Џун Рејн.

Таа додаде дека „придобивките од оваа вакцина надминуваат сите ризици“.