Британија ја става групата „Вагнер“ на листата на терористички организации

Велика Британија ќе ја стави руската платеничка воена организација „Вагнер“ на листата на терористички организации, објави Би-Би-Си, повикувајќи се на министерката за внатрешни работи Суела Браверман.

„Вагнер е насилна и деструктивна организација која делува како воен инструмент на Путиновата Русија во странство“, рече Браверман.

Таа оцени дека работата на „Вагнер“ во Украина и Африка претставува „закана за глобалната безбедност“.