Велика Британија, САД, Канада и Јапонија ќе забранат увоз на руско злато како дел од новите санкции против Москва, како одговор на инвазијата на Украина, објави Даунинг стрит на првиот ден од самитот на Г7.
„Овие мерки директно ќе ги погодат руските олигарси и ќе го таргетираат центарот на воената машина (на рускиот претседател Владимир) Путин“, изјави британскиот премиер Борис Џонсон.
Британскиот премиер денеска се среќава со лидерите на Г7 на самитот во Баварија.
Претходно и американскиот претседател, Џо Бајден извести за слична акција.
The United States has imposed unprecedented costs on Putin to deny him the revenue he needs to fund his war against Ukraine.
Together, the G7 will announce that we will ban the import of Russian gold, a major export that rakes in tens of billions of dollars for Russia.
— President Biden (@POTUS) June 26, 2022
Г7 се состои од САД, Канада, Јапонија, Германија, Обединетото Кралство, Франција и Италија.
Самитот на Г7 ќе трае до 28 јуни.