Легендарниот метал бенд Iron Maiden се појави на поштенски марки во Велика Британија.
Според NME, Maiden се почестени со 12 „специјални поштенски марки“ – осум со сите сегашни членови на бендот и четири посветени на Еди, маскотата на бендот.
Така, Iron Maiden стана петтата музичка група на која ѝ беше доделена оваа чест, бидејќи Битлси (2007), Пинк Флојд (2016), Квин (2020) и Ролинг Стоунс (2022) претходно беа претставени на поштенските марки.
Ликовите на гитаристите Дејв Мареј, Адријан Смит и Јаник Герс, тапанарот Ник МекБрејн и пејачот Брус Дикинсон ќе бидат претставени во ова специјално издание на британската пошта.
Главниот сет на поштенски марки ќе биде посветен на турнејските настапи на Maiden од 1980 до 2018 година.
„Бевме апсолутно воодушевени кога првпат слушнавме за овој проект. Марките изгледаат прекрасно и мислам дека навистина ја доловуваат суштината и енергијата на Maiden. Горди сме што Британската пошта одлучи да му оддаде почит на бендот и знам дека и нашите фанови се благодарни“, рече Стив Харис.