Британски Дејли мејл уште еднаш го нападна Новак Ѓоковиќ, овој пат нарекувајќи го „ковидиот“ на годината.
Од весникот решија да доделат алтернативни спортски награди, овојпат една за време на пандемијата на коронавирус, која вклучува избор за „ковидиот на годината“, а Новак бил опишан како „лауреат“ на скандалозен начин.
„Имаше неколку кандидати за нашата најголема награда, „Ковидиот на годината“. На крајот на краиштата, секоја недела се случуваше некои спортски sвезди да ги прекршат правилата за изолација поради вирусот, а беа предводени од англиските фудбалери, меѓу кои Фил Фоден, Мејсон Гринвуд, Џек Грилиш, Кајл Вокер и Хадсон Одои. Сепак, наградата ѝ припаѓа на тениската sвезда, светскиот рекет број еден – Новак Ѓоковиќ “, пишува Дејли мејл.
Not a new category on tonight's #SPOTY but can't help thinking #Covidiot Novak Djokovic is a deserving winner….🙄🤔😡 #SPOTY2020 pic.twitter.com/BsxSeOuWkc
— Heather Penny (@reelofthe51st) December 20, 2020
„Само Ѓоковиќ, човек кој постојано предизвикува поделби, може да го удри топчето во судиското лице и да биде исфрлен од УС Опен, без тоа да биде ниту близу до неговиот најконтроверзен потег оваа година. Србинот го организираше Адриа тур на Балканот, за време на општата изолација од корона во јуни, поради што стигна до првото место на ранг-листата за Ковидиот на годината“, се додава, а во продолжение дури се наведува во изборот дека „Ѓоковиќ е најголемиот губитник од локдаунот“.
As SPOTY winner is announced, we reveal our alternative 2020 awards
https://t.co/aYYAqeTqlr— Al-haji Ismail (@Alfaenshe) December 20, 2020