Бројот на случаи со Ковид-19 „експоненцијално расте“ низ Англија, пред сè кај помладата и невакцинирана популација, велат научниците, но додаваат дека како резултат нема да се појави нов бран епидемија во земјата.
Студијата, нарачана од британските власти, открива дека бројот на нови инфекции се зголемил за 50 проценти помеѓу 3 мај и 7 јуни, што се совпаѓа со ширењето на делтата варијанта на коронавирусот, откриена во Индија и сега доминира во Велика Британија.
Податоците од скоро 110.000 тестови на Ковид-19, спроведени низ Англија помеѓу 20 мај и 7 јуни, покажуваат дека бројот на случаи се удвојува на секои 11 дена.
Резултатите од истражувањето беа објавени откако британскиот парламент одобри продолжување на ограничувачките мерки до 19 јули, и покрај бунтот на членовите на Конзервативната партија на премиерот Борис Џонсон во врска со ова прашање. Премиерот беше спасен од лабуристите, кои поддржаа четиринеделно одложување на укинувањето на мерките.
Научниците од Империјал колеџот во Лондон истакнаа дека истражувањето откри „брза промена“ во последните неколку недели помеѓу делта, англиската варијанта и индиската.
Повеќе од 90 проценти од новите случаи се поврзани со делта варијантата, објавија тие, но додаваат дека земјата се наоѓа во поинаква ситуација од минатата есен, кога експоненцијалниот раст предизвика втор бран епидемија, бидејќи проширувањето на кампањата за вакцинација би спречило вакво сценарио.