Претседателката на Собранието на Србија, Ана Брнабиќ денеска изјави дека прашањето за ископувањето на литиум и е исклучително важно, не поради Рио Тинто, туку поради развојната можност на Србија, која, како што рече, не смее да се пропушти.
Таа на телевизија К1 изјави дека е свесна дека некои ја нарекуваат лобист на Рио Тинто, но дека ископувањето на литиум е развојна можност за Србија и дека се што се случува во врска со протестот против литиумот ужасно ја плаши, бидејќи се претвори во, како таа рече, борба против струката.
„Овие протести се претворија во протести против науката и здравиот разум. И се што се случува крајно ме плаши, бидејќи ако се откажеме од ова поради ваквите протести, тоа значи дека утре луѓето ќе протестираат против 5G мрежата, бидејќи говорниците на овие протести се луѓе кои веруваат во „кемтрејлс“, кои се борат против банкарскиот систем, Ротшилди или не знам кои други зли сили владеат со светот“, рече Брнабиќ.
Како што рече, тогаш нема да има биотехнологија, кампус BIO4, нема вештачка интелигенција.