Бројот на загинати во нападот во близина на синагогата во Тунис се зголеми на шест

Бројот на загинати во нападот пред синагогата на островот Џерба во Тунис се искачи на шест, вклучувајќи го и напаѓачот, јавува агенцијата ТАП повикувајќи се на болнички извори.

Во нападот се ранети девет лица, соопшти туниската влада, пренесува „Ројтерс“.

Злосторството се случи во вторникот за време на годишниот аџилак на островот Џерба, кој привлекува стотици Евреи од Европа и Израел.

Нападот го извршил чувар на воен објект во Џерба, кој прво со пиштол убил колега и му ја зел муницијата, а потоа се упатил кон синагогата.