Граѓаните на Белорусија за првпат се собраа во Минск и во други градови за поддршка на уапсените лидери на опозицијата. Полицијата продолжи брутално да ги апси демонстрантите, а сега и жените и децата се нападнати.
Белоруската полиција упорно се обидува да ги растера демонстрантите кои мирно протестираат на улиците во Минск за поддршка на уапсените членови на Координативниот совет на опозицијата.
Бруталното апсење на демонстрантите продолжува, а сега полицијата апси жени, стари лица и деца.
Video of detention in #Minsk now
Via @RFERL pic.twitter.com/xd9BjNGB2c— Denis Kazakiewicz (@Den_2042) September 8, 2020
Иако многумина беа брутално приведени, демонстрантите успеаја да го продолжат протестот во центарот на Минск.
Илјадници насобрани го скандираа името на белоруската лидерка на опозицијата Марија Колесникова и повикаа на нејзино ослободување.
#Belarus Day 31 of the protests. Happening right now in #Minsk: people went out to the streets to peacefully express solidarity with those repressed and in support of members of the Coordination Council. Some of them were brutally detained pic.twitter.com/i8iRuehbHO
— Hanna Liubakova (@HannaLiubakova) September 8, 2020
Потсетуваме, во последните 24 часа не беше познато каде исчезна Колесникова. Мистеријата околу нејзиното исчезнување беше дополнително засилена со тврдењата на нејзини соборци дека „Колесникова била киднапиран вчера од маскирани мажи во Минск“.
Инаку, Колесникова е една од трите жени кои се обединија против претседателот Александар Лукашенко и лидерите на протестите што избија откако Лукашенко прогласи победа по изборите.