До средината на септември, позитивниот став кон владата на Росен Жељазков е 17,4% наспроти 69,2% кои имаат негативен. Останатите немаат мислење, ова го покажува студијата на социолошката агенција „Мерка“.
Податоците се од независна студија од редовната истражувачка програма на социолошката агенција. Студијата е спроведена „лице в лице“ со таблети помеѓу 4 и 12 септември 2025 година меѓу 802 возрасни бугарски граѓани.
Таквото намалување на довербата за време на мандатот е очекувано, но веројатно е и засилено од брзо акумулираните тензии во последните месеци, како и од интензивирањето на конфронтацијата со опозициските сили по поединечни теми и случаи, додава „Мерка“.
Претседателот одржува позитивен јавен став и покрај некои флуктуации во вредностите во текот на годината. Изборните ставови укажуваат на растечка незивесност за второто место, но и за местата по него.
По почетокот на новата политичка сезона, позитивните оценки за претседателската институција ги надминаа негативните – 44,6% позитивни наспроти 37,9% негативни. Останатите немаат мислење. Ова е спротивно на ставот кон другите институции во Бугарија. Во текот на годината, имаше и флуктуации во оценките за претседателската институција, на пример околу ставот на Румен Радев за еврото.
Според „Мерка“, доколку изборите се одржат во септември, ГЕРБ-СДФ ќе добие 26,9%. „Продолжуваме со промената – Демократска Бугарија“ (ПП-ДБ) – 13,9%, „Преродба“ – 13,7% и ДПС-Нов почеток (ДПС-НН) – 13,6% се движат во „пакет“, при што второто место станува сè поспорно со зајакнувањето на ДПС-НН во последните месеци, поради падот на ПП-ДБ и консолидацијата на позициите на „Преродба“.
БСП добива 6,7%, МЕЧ – 6,6%, а според социолозите ова укажува на неизвесност. ИТН е со 5,3%, а „Величие“ – со 4,5%. „Алијансата за права и слободи“ трајно губи позиции и останува под „линија“ со 2,6%.