Дали Бугарија успеа да изгради европски идентитет за 14 години членство во ЕУ? Бугарија постојано се соочува со криза на идентитет. Процесот на бугаризација низ историјата честопати бил насилен. Случајот со бугарските Турци, пишува ИФИМЕС во својата анализа по повод изборите во Бугарија со наслов „Руски рулет на Бојко Борисов“.
„Загрижувачки е фактот што постои системска стигматизација на Ромите, а владејачките структури ги користат термините за ромскиот „цигански паразитизам“, „циганскиот криминал“ и слично. Притоа, властите го кријат вистинскиот број на Роми. Според официјалната статистика, бројот на Роми е околу 5%, додека реалниот број е двојно поголем“, пишува Меѓународниот институт за блискоисточни и балкански студии.
„Бугарите се обидуваат да се претстават себеси како супериорни во однос на другите, односно „поголема и повредна супернација“, особено во однос на Македонците. Сепак, Македонците имаат висока национална свест и приврзаност кон Македонската православна црква (МПЦ-ОА) негирањето на идентитетот и јазикот е бесмислено, а бугарските пасоши беа земени присилно поради можности за вработување во земјите-членки на ЕУ. Земањето бугарски пасоши не е никаква идентификација со Бугарите, туку едноставно егзистенцијално прашање (борба за опстанок) и бугарските власти веќе тука доживеаја фијаско, бидејќи занемарлив број Македонци со бугарски пасоши ќе учествуваат на претстојните избори – под статистичка грешка.
Бугарија исто така го оспори идентитетот на етничките Турци. Бугарските Турци беа лишени од нивните права преку политика на присилна асимилација и масовно протерување во 80-тите години на минатиот век, под режимот на комунистичкиот диктатор Тодор Живков. Така, само во периодот јуни-септември 1989 година, околу 340.000 етнички Турци биле насилно емигрирани од Бугарија во Турција, и ова било етничко чистење, а не доброволно заминување, како што презентирале бугарските власти во тоа време.
Аналитичарите велат дека политичката реторика на вицепремиерот и министер за надворешни работи Екатерина Захариева (ГЕРБ) и контроверзниот лидер на ВМРО-БНД и министер за одбрана Красимир Каракачанов, насочена кон негирање на идентитетот и јазикот на Македонците, потсетува на реториката на италијанските фашисти против Словенците, кои негираа идентитет и јазик во почетокот на 20 век. Патриотизмот во Бугарија е тесно поврзан со кризата со идентитетот“, велат од ИФИМЕС.