Руската амбасада во Скопје објави провокативна објава на Твитер во која ја обвини Бугарија за инвазија на Македонија во април 1941 година. Објавата заврши со слоганот „вечна слава на Русите, Македонците и другите војници“ кои се бореа против „нацистичката чума“, пренесе „Њуз.бг“.
Објавата предизвика реакција на бугарскиот европратеник Андреј Ковачев.
„Уште еден пример на „крајно добронамерната и историска“ политика на Кремљ на Балканот. Подели па владеј! – напиша тој на својот профил на Фејсбук.
„Добро познато е дека до април 1941 година Сталин и Хитлер беа сојузници. Бугарија никогаш не ја нападнала Кралска Југославија, а Македонија воопшто не постои како држава и е под жестока српска окупација. Дури и зборот Македонија е забранет од Србите. Затоа нашите предци ги пречекуваат сонародниците како ослободители од повеќедецениското ропство. Колку е тажно кога лагите се толку рамни и со јасна желба да не скараат што е можно повеќе“, нагласува Андреј Ковачев.
Потсетуваме, во 2017 година рускиот претседател Владимир Путин за време на својата средба со неговиот македонски колега Иванов објави дека кирилицата „потекнува од македонска земја“.