Пратениците на бугарското собрание во својата програма вклучија четири нацрт-декларации поврзани со состојбата во Република Северна Македонија (РСМ), пренесе БТА.
Првата е нацрт-декларација во врска со ескалацијата на агресивните антибугарски манифестации во РСМ, поднесена од Десислава Атанасова (ГЕРБ-СДС).
Следи предлог-декларација во врска со состојбите во РСМ во однос на граѓаните на земјата со бугарска самосвест, поднесена од Андреј Ѓуров („Продолжуваме со промените“).
Собранието ќе расправа за предлог-декларацијата во врска со насилството врз Христијан Пендиков во Охрид и говорот на омраза кон Бугарија од страна на антибугарските екстремисти во РСМ, поднесена од Елисавета Белобрадова („Демократска Бугарија“).
Пратениците ќе разгледаат и предлог-декларација во врска со агресивната антибугарска хистерија што се прошири во Република Северна Македонија, поднесена од Костадин Костадинов („Преродба“).