321
Германската фудбалска Бундеслига не сака да има повластен третман за време на вакцинирањето против коронавирусот.
„Прво се на ред постарите лица и лицата во домовите за стари лица и болниците. Ние фудбалерите доаѓаме на ред некаде во јуни или јули. Нема да се туркаме преку ред“, изјави тренерот на Борусија од Менхенгладбах, Марко Розе.
„Примерно ќе застанеме во ред и ќе чекаме“, рече менаџерот на Келн, Хорст Хелт.
Од Бундеслигата посочуваат дека вакцинирањето започнало неодамна во Германија и дека се поставени јасни приоритети во стратегијата за вакцинација.