Според бројни извори, 41-годишниот Чави Ернандез, играчка легенда на Барселона, е главен фаворит за долгорочно преземање на тренерската клупа на тој тим.
Пред неколку дена Холанѓанецот Роналд Куман мораше да ја напушти оваа позиција поради лошите резултати на Барселона на стартот од новата сезона, а на таа клупа привремено седна Серхи Бархуан.
Од самата Барселона изјавија дека преговорите со Чави се интензивираат и дека веруваат во негово брзо доаѓање, а често сигурната мадридска „Марка“ изјави дека доаѓањето на Чави во Барселона е завршена работа.
Но самиот Чави, моментално тренер на катарски Ал Сад, не зборуваше со тој тон.
– Во моментов сум единствено и исклучиво фокусиран на мојата работа во Ал Сад. И не сакам да зборувам за ништо друго, изјави прилично тешко и убедливо Чави, кој во тој клуб е од 2019 година и тоа му е единствената тренерска работа во неговата кратка досегашна кариера.
Во мај годинава Чави го продолжи договорот со Ал Сад на уште две години, а самиот катарски клуб објави дека има „сигурен тренер“ и дека за заминување во Барселона „не се разговара“.