Тренерот на Барселона, Чави, беше задоволен по убедливата победа (4:0) над Реал, потенцирајќи дека неговиот тим можел да постигне повеќе голови.
Шпанецот изјави дека неговиот тим одиграл спектакуларно.
„Можевме да постигнеме повеќе голови. Не очекувавме дека ќе бидеме вака супериорни на нивниот стадион. Тие одмораа цела недела, а ние пристигнавме од Турција во петокот. Одигравме спектакуларен натпревар, многу сум задоволен. Бевме многу подобри од Реал, резултатот го покажува тоа и си одиме дома насмеани“, изјави Чави.
Тој имаше и порака до навивачите.
„Нека уживаат навивачите во оваа победа, бидејќи во последно време немаме многу причини да се радуваме на „Ел Класико“. Ако играме вака во иднина, тогаш можеме да се натпреваруваме со секого, изјави Чави.