Тренерот на Барселона, Чави Ернандез, призна дека неговиот тим имал многу потешкотии против Ајнтрахт (Франкфурт) на првиот меѓусебен натпревар во четвртфиналето на Лигата на Европа. Натпреварот во Германија заврши 1:1, а поранешниот играч од средниот ред ги пофали домаќините.
„Се соочивме со тежок и физички многу силен противник. Не знаевме како да ги спречиме. Моравме да играме поцврсто за да се справиме. Дополнително, теренот не беше во многу добра состојба“, изјави Чави.
„Создадовме помалку ситуации од вообичаено, но задоволни сме од резултатот. Вообичаено, тимот што ќе ја совлада иницијативата има повеќе шанси за гол, но тоа денеска не беше случај. Ајнтрахт правеше ѓаволски контранапади и ние навистина не знаевме како да им се спротивставиме“, изјави тренерот на Каталонците.
„Ова е Лига Европа, не може да биде лесно. Тежок ќе биде и натпреварот на „Камп Ноу“, но ќе ја имаме поддршката од нашите верни навивачи“, изјави Чави.