По одлуката на Управниот суд за суспензија на сите 29 решенија за разрешување на началници во МВР од страна на новиот министер од СДСМ Оливер Спасовски , вмровскиот министер Митко Чавков во акција. Тој веднаш им пратил телеграма на сите разрешени да се вратат на позициите.
Заменикот министер за внатрешни работи, Митко Чавков утрово преку телеграма ги известил директорите на Бирото за јавна безбедност и на Управата за безбедност и контраразузнавање дека се должни веднаш да ја спроведат одлуката на Управниот суд.
Чавков во телеграмата им наредил на тие кои ги поставил Спасовски се да вратат по старо и да напуштат:
– Во тој контекст, задолжени сте веднаш да ја воспоставите претходната состојба во Бирото за јавна безбедност и Управата за безбедност и контраразузнвање каква што била пред донесувањето на цитираните решенија за именување, разрешување и распоредување, што вклучително подразбира и примопредавање на работните простории, материјално-техничките средства и документацијата од страна на припадниците на Министерството за внатрешни работи за чии Решенија за именување или распоредување е воспоставена судска забрана за преземање на дејствија се до правосилноста на одлуката по тужбите поднесени од дополнителниот заменик министер за внатрешни работи, наведува во телеграмата од Чавков. 
Освен по жалбите за началниците , Управниот суд со вчерашната одлука со времена мерка ги ставил вон сила и решенијата на Спасовски за унапредување на уште 17 лица.