Новиот шампион на Италија е во голема финансиска криза. Неговите играчи претходно ветија дека ќе се откажат од премијата во случај да ја освојат титулата, а сега од нив се бара да одат чекор понапред.
Претседателот на клубот Стивен Жанг, според Скај Спорт Италија, ги замолил играчите да се откажат од платите два месеци. Тој, наводно, викендот свикал состанок за понеделник, на кој го презентирал барањето пред играчите. Пред неколку дена излезе во јавноста со веста дека наскоро ќе преземе мерки за намалување на големите расходи, пренесе „Индекс“.
Истиот извор наведува дека секој играч ќе одлучи одделно дали ќе го прифати барањето и ќе се состане со претставници на клубот во наредните денови и недели. Во просек, Интер издвојува околу 4,1 милиони евра месечно за плати. Секако, во ваква ситуација, најмногу би му помогнале играчи како Ромелу Лукаку или Алексис Санчез, кои заработуваат нешто помалку од 200.000 евра неделно.
Интер стана шампион на Италија оваа сезона за прв пат од сезоната 2009/10.