Се чинеше дека продажбата на Челзи е завршена, се е договорено, но зделката меѓу Роман Абрамович и холивудскиот магнат, милијардер и сопственик на Доџерс од Лос Анџелес, Тод Боли, може многу лесно да пропадне.
Според новинарот на Скај, Марк Кајман, „тешката“ зделка од 4,25 милијарди долари се заканува да пропадне поради крајно нелогичниот потег на се уште актуелниот сопственик на клубот Абрамович.
Русинот наводно не го обезбедил потребното осигурување на лиценцата, потребна за да се заврши зделката вредна 2,5 милијарди фунти што треба да ги добие Абрамович, по притисокот од министрите од британската влада.
Во случај да не се постигне договор, Челзи би се нашол во големи проблеми бидејќи би му се заканувало исфрлање од одредени клупски натпреварувања, пренесува Скај.
Очигледно има уште простор за договор, но со оглед на роковите пред тимот од Лондон, јасно е дека на „сините“ им претстои крајно бурно лето.
Revealed: The £4.25bn takeover of Chelsea FC has been thrown into fresh doubt amid “concerns” in Whitehall about assurances being provided by the Roman Abramovich. A failure to secure the licence needed to expedite the sale by the end of May could be disastrous. More soon.
— Mark Kleinman (@MarkKleinmanSky) May 16, 2022