12
Чешкото Министерство за одбрана одобри план за купување 44 тенкови „Леопард 2А8“ од Германија по цена од 1,6 милијарди долари (околу 1,36 милијарди евра).
Испораките на тенкови се планирани за периодот помеѓу 2028 и 2031 година, а договорот ѝ дава на Чешка можност да купи дополнителни 14 тенкови доколку има средства, објави Блумберг.
Чешката Република има намера да ја модернизира својата армија откако префрли голема количина воена опрема и оружје во Украина по почетокот на војната во таа земја.
Владата во Прага претходно оваа година одобри план за зголемување на трошоците на три проценти од БДП.